Surah An Naba Ayat 21 Translation Tafseer

Para 30 - عَمَّ

سورة النبا

Audio PDF

بِسْمِ اللّٰهِ الرَّحْمٰنِ الرَّحِیْمِ

78.21-26

اِنَّ جَهَنَّمَ كَانَتْ مِرْصَادًاﭪ (21) لِّلطَّاغِیْنَ مَاٰبًاۙ (22) لّٰبِثِیْنَ فِیْهَاۤ اَحْقَابًاۚ (23) لَا یَذُوْقُوْنَ فِیْهَا بَرْدًا وَّ لَا شَرَابًاۙ (24) اِلَّا حَمِیْمًا وَّ غَسَّاقًاۙ (25) جَزَآءً وِّفَاقًاﭤ(26)

Kanz ul Iman Kanz ul Irfan

کنزالایمان

بیشک جہنم تاک میں ہے۔ سرکشوں کا ٹھکانا۔ اس میں قَرنوں رہیں گے۔ اس میں کسی طرح کی ٹھنڈک کا مزہ نہ پائیں گے اور نہ کچھ پینے کو۔ مگر کھولتا پانی اور دوزخیوں کا جلتا پیپ۔ جیسے کو تیسا بدلہ ۔

تفسیر : ‎صراط الجنان

{اِنَّ جَهَنَّمَ كَانَتْ مِرْصَادًا: بیشک جہنم تاک میں ہے۔} اس کا ایک معنی یہ ہے کہ جہنم کافروں کی مُنتظِر اور ان کی طلَبگار ہے۔دوسرا معنی یہ ہے کہ جہنم کے فرشتے کفار کے انتظار میں ہیں ۔ تیسرا معنی یہ ہے کہ جہنم ایک گزرگاہ ہے اور کوئی بھی اس پرسے گزرے بغیر جنت تک نہیں پہنچ سکتا۔( خازن، النّبأ، تحت الآیۃ: ۲۱، ۴ / ۳۴۷، تفسیرکبیر، النّبأ، تحت الآیۃ: ۲۱، ۱۱ / ۱۴، ملتقطاً)

{لِلطَّاغِیْنَ مَاٰبًا: سرکشوں کیلئے ٹھکانا ہے۔} اس آیت اور ا س کے بعد والی3 آیات کا خلاصہ یہ ہے کہ جہنم کفار اور مشرکین کا ٹھکانہ ہے لہٰذا وہ اس میں داخل ہوں گے اوراس میں نہ ختم ہونے والی مدت تک یعنی ہمیشہ ہمیشہ کے لئے رہیں گے اور جہنم میں ان کا حال یہ ہوگا کہ وہ اس میں کسی طرح کی ایسی ٹھنڈک محسوس نہ کریں گے جس سے انہیں راحت نصیب ہو اور جہنم کی گرمی سے سکون ملے اور نہ جہنم کے کھولتے ہوئے پانی اور جہنمیوں کی پیپ کے علاوہ انہیں کچھ پینے کو ملے گا۔( روح البیان، النّبأ، تحت الآیۃ: ۲۲-۲۵، ۱۰ / ۳۰۲-۳۰۵، جلالین، النّبأ، تحت الآیۃ: ۲۲-۲۵، ص ۴۸۷، ملتقطاً)

یاد رہے کہ جو مسلمان اپنے گناہوں کی سزا پانے جہنم میں جائیں گے انہیں ہمیشہ کے لئے جہنم میں نہیں رکھا جائے گا بلکہ انہیں مُقَرّب بندوں اور دیگر حضرات کی شفاعت کے ذریعے یا محض فضلِ الٰہی سے یا جب ان کی سزا پوری ہوجائے گی توانہیں جہنم سے نکال کر جنت میں داخل کر دیا جائے گا۔

{جَزَآءً وِّفَاقًا: برابر بدلہ ہوگا۔} یعنی جیسے عمل ہوں گے و یسی جزا ملے گی اورچونکہ کفر سے بدترین کوئی جرم نہیں ہے اس لئے سب سے سخت عذاب بھی کفار کو ہو گا۔ (جلالین، النّبأ، تحت الآیۃ: ۲۶، ص ۴۸۷، ملخصاً)

{اِنَّهُمْ كَانُوْا لَا یَرْجُوْنَ حِسَابًا: بیشک وہ حساب کا خوف نہ رکھتے تھے۔} اس آیت اور ا س کے بعد والی آیت کا خلاصہ یہ ہے کہ کفار اس سزا کے مستحق اس وجہ سے ہوئے ہیں کہ وہ آخرت میں اپنے اعمال کا حساب ہونے کا خوف نہ رکھتے تھے کیونکہ وہ مرنے کے بعد اٹھنے کاانکار کرتے تھے اور انہوں نے ہماری وحدانیّت اور ہمارے انبیاء ِکرام عَلَیْہِمُ الصَّلٰوۃُ وَالسَّلَام کی صداقت کے دلائل پر مشتمل آیتوں کو بہت زیادہ جھٹلایا تھا۔( روح البیان، النّبأ، تحت الآیۃ: ۲۷-۲۸، ۱۰ / ۳۰۶، خازن، النّبأ، تحت الآیۃ: ۲۷-۲۸، ۴ / ۳۴۷-۳۴۸، ملتقطاً)

Next Ayat Prev Ayat